కేంద్ర ప్రభుత్వం ఈ రాష్ట్రానికిచ్చిన హామీలు 95శాతం పూర్తిచేస్తే 5శాతం ఉన్నవాటికి మీరు ధర్మపోరాటం చెయ్యడం ఎందుకన్నారు.

మూడువంతుల హామీలు నెరవేర్చిన కేంద్రంపై టీడీపీ ధర్మపోరాటం చేస్తే ఈ నియోజకవర్గానికిచ్చిన 56 హామీలు అమలుచెయ్యని మీపై మేము ఏ పోరాటం చెయ్యాలో చెప్పాలన్నారు.

మీకు చిత్తశుద్ధి ఉంటే మీరిచ్చిన హామీలకు సమాధానం చెప్పాకే ఇక్కడ సభ పెట్టుకోమన్నారు.

మా సభ అడ్డుకోమని ఓ తెలుగుదేశం నాయకుడు సవాల్ విసిరాడని చెన్నారెడ్డినే తరిమిన చరిత్ర ఉన్న మా తాడేపల్లిగూడానికి మీ ముఖ్యమంత్రిని తరమడం పెద్ద విషయమేమీకాదన్నారు.

ఈ కార్యక్రమంలో బీజేపీ మహిళా మోర్చా జాతీయ కార్యదర్శి మాలతి రాణి గారు, రాష్ట్ర ఉపాధ్యక్షులు పాకా సత్యనారాయణ గారు, జిల్లా అధ్యక్షులు కోడూరి లక్ష్మీ నారాయణ గారు, తాడేపల్లిగూడెం స్థానిక నాయకులు, కార్యకర్తలు పాల్గొన్నారు.